فمان الله ياجرحي وطبي واجمل سنيني

فمان اللي كتب لقيا القلوب وكاتب الفرقا ..

عسى دربك سفير وعسى الله ما يخليني
فمان الله يا جعل الليالي الماضية تسقا ..

بأعيشك دمعه الفرقى اللي هلت لها عيني
وبصبر نفسي بقولة ترى الفرقى بنا حقا ..

وبأعيشك حرف في بيت القصيد وليت تقريني
مدام أنك هوى شعري لحون القاف والطرقا ..

ليالي بالعمر مرت ومن ذكراك تسقيني
ليالي عطرها مثل الورود وظنتي أنقا ..

تذكرني بك القمرا ونسيم الليل يشقيني
ويذكرني بك المسرى وعود وحزة الملقا ..

الا يا حبي لشارع على دارك يوديني
له اسوق القدم غصبا ولو هي عاجزة ترقا ..

والا يا حبي لدارك ولأهلك القريبيني
والا يا كرهي لشئ على ملاقاك لي عاقا ..

دفنتك فيني وكلي بكاك وجا يعزيني
كفنك الجو في ظلوعه وقبرك داخلي اشقا ..

رحيلك ما وجد غيره على الدنيا يبكيني
ولا به بالبشر غيرك رفيق الدم بالعرقا ..

وختم القول لا وصي على مابينك وبيني
عهود الحب يا فدوة عيوني ليتها تبقا ..

ترى ذا العالم بكبره صغير الحجم في عيني
ولا هو يفترق شرقه ولافي الغرب به فرقا ..

سقا الله مامضى جعله يعود لي ويحييني
عليه أبكيت من نوحي حمام ناح بالورقا ..

سقا الله شوفك وصوتك وملمس وجهك الزيني
سقا الله ماضيك كله عسى ذكراك لي تبقا ..

من طرف **كحيلان** الإثنين يوليو 23, 2012 7:55 am

تذكرني بك القمرا ونسيم الليل يشقيني
ويذكرني بك المسرى وعود وحزة الملقا ..
واو مره حيل مبدعه شكرآ على هالذوووووووووووق
دمتي,’’

فمان الله ياجرحي وطبي واجمل سنيني

فمان الله ياجرحي وطبي واجمل سنيني

رد: فمان الله ياجرحي وطبي واجمل سنيني