روعة الحب love8  
أنت غير مسجل..
لأننا نعشق التميز والمميزين,
يشرفنا إنظمامكـ معنا..
في منتديآت روعة الحب

أثبت وجودكـ معنا,,
لكي تستطيع أن تتحفنا بمواضيعك وردودكـ

سنتشرف بتسجيلك
شكرا
ادارة المنتدى

همووم مواطن قصيدة في الصميم

اذهب الى الأسفل

قلب همووم مواطن قصيدة في الصميم

مُساهمة من طرف ے المايسترو ے في الإثنين سبتمبر 12, 2011 8:53 am

السلآم وعليكم ورحمه الله وبركاته ,



قصيده روووووووووووعه وجميله جدا ومؤثره حييل , تتكلم عن البطالة وقلة الوظائف . شاعر امارتي اعجبتني كثيرررررررررررررالقصيدهـ ,,




تو . . طين وش عاد يا دار ٍ بها صار ( توطين ) ... و في مكتب التوظيف سوسن و ميسون !
مديرهم مدحت و نائبْته نسرين ... وعلى الرسبشن حمّص و فول و زيتون !


كل ما اتصلت اسمع ( الو مرحبا مين ؟ ... بدّك وظيفه ؟ .. مين دلّك على هون ؟ )
اقول انا لي اتصل صار شهرين ... و انتوا وعدتوني متى بس توفون


اسمي ( مواطن ) ( جامعي ) طيب و زين .... كني ابخطب عندكم و اتّغلون !
عندي شهادة طايحه بجبدي سنين ... عشش عليها شي له ستة عيون !!


لو للشهاده لسان قالت ( على وين ... ناوي توديني . . تلف فيني الكون ؟ )


من كثر ما صورتها غارق بدين ... للهندي راعي المطبعه صرت مديون


لا ليلي ليل ولا نهاري نوى يبين ... دقيت راسي لين ما صرت مينون !


مطلوب خبره عالأقل في مجالين ... ولا ّ تجينا بواسطه و سير مدهون !


ولا انثبر في بيتك . . افرك بكفين ... يومك يشابه امسك و عيش مغبون


تعدادنا ويّاهم اربع ملايين . . . و اهل البلد للحين ما صاروا مليون !!



ويلاه من باكر اذا وضعنا الحين ... و احنا اقل من الربع حالنا شجون !
و اللي ابتسم له حظه والله مسكين ! ... حصّل وظيفه . . بس في وين .. تدرون ؟


ساكن في راس الخيمه .. حطوه في العين !! و اللي سكن في الذيد .. في السلع مدفون !!
يشوف اهله بس في الأسبوع يومين ... واذا حسبتوا الدرب كم ساعه . .. تبكون


يعني في كل احواله ذاق الأمرين ... شغّال محزون و بلا شغل محزون
و الأجنبي اللي راتبه فوق عشرين ... فله و سياره و تذاكر . . و طاعون


عنده بدل كل شي عالراتب الفين ... حتى بدل معجون اسنان و صابون !
و من بعد ما يجمع من بلادي فلسين ... و يربّي من القعده على الكرسي بطون


و يصير في بلاده غني و عنده برجين ... يرحل و هو جاحد . . و كم مثله ملعون !
و حتى الجماعه قوم مدحت و نسرين ... مردّهم لبلادهم لو يطولون


يرضون بشوية دراهم . . و شفتين ... صبح و عصر . . لو حتى في الليل يرضون


بس لو سمعتوا همسهم بينهم بين ... وسط القهاوي يلعنون و يسبون !


لا تحسبوني عنصري . . كلنا طين ... و الخِـل لو عاتب محبينه يمون
داري و انا اولى بها من الغريبين ... ما يوصلون لحبها لو يموتون


و ( الأقربون اولى ) . . كلام ٍ من الدين .... ما جبته من شعري مع الهام و ظنون
ولد البلد ما يبغي لبلاده الشين ... بالروح بالدم يفتديها ولا يخون


لكن سؤاله يوم قلتوا له ( توطين ) ... يا كيف بيد الغرب توظيفه يكون ؟؟!!
شعا رهم معروف ( راجعنا بعدين ) و باين من التأجيل ... انهم يخافون


اذا معك خبرة .. يا اهلين و سهلين ... و اذا شهاده بس .. عنك يصدون
ما عندنا شاغر . . و بطلنا تعيين ... ولو تحرق الهاتف ترى ما يردون !


من وين اجيب الخبره ؟ من وين من وين ؟ دام الوظيفه عند سوسن و ميسون !
عندي بمطبخ بيتنا خبره سنتين ! ... تنفع اذا صاروا المطاعم يوطنون ؟؟!


ولاّ أهاجر و آخذ الخبرة في الصين ؟ ... صح العيون صغار . . لكن يقدْرون
سؤال يا دار ٍ ..صراحه بترضين ؟ ... اني أسافر و اطلب الغرب لي عون ؟


و سؤال يا ناس ٍ على الراس و العين ... صدق الوظايف واسطه و سير مدهون ؟
اما الجواب الشافي يجيني الحين .... او هاتوا تأشيره . . اذا كنتوا ترضون .!



لا تحرموني من الــررد
avatar
ے المايسترو ے
[[ مــشــرف ]]

عدد المساهمات : 943
تاريخ التسجيل : 05/09/2011
الموقع : ينبـــــــع ^البحر ^

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

قلب رد: همووم مواطن قصيدة في الصميم

مُساهمة من طرف المشتاق في الإثنين سبتمبر 12, 2011 6:13 pm

لكن سؤاله يوم قلتوا له ( توطين ) ... يا كيف بيد الغرب توظيفه يكون ؟؟!!
شعا رهم معروف ( راجعنا بعدين ) و باين من التأجيل ... انهم يخافون


رووووووووووووووووووووووووووووعه

يسلمو على ذوقك

تحياتي

ـــــــــــــــــــــــــــــــــــــــــــــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة]
avatar
المشتاق
[[ مشرف ]]

عدد المساهمات : 2273
تاريخ التسجيل : 29/07/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى